Java e dytë e Superligës së Kosovës në basketboll, ka sjellë shumë sfida interesante.  Pas përfundimit të xhiros së dytë, Federata e Basketbollit të Kosovës, ka shpallur MVP-në e javës, si dhe pesëshen më të mirë.

GO+ Peja ka fituar në derbin e javës ndaj Golden Eagle Yllit, ku Alan Herndon kishte dyshifror të dyfishtë me 13 pikë e dhjetë kërcime, duke pasur indeksin 21, apo më të lartin në këtë sfidë.

Alan Herndon është shpallur MVP i javës së dytë. Ai është ndihmuar nga Malcolm Armstead me 18 pikë, tri kërcime e shtatë asistime.

Batin Tuna është dalluar te Trepça në fitoren e lartë ndaj Vëllaznimit me 24 pikë, dhjetë kërcime e gjashtë asistime.

Arian Azemi ishte më i miri te Sigal Prishtina në fitoren ndaj Borës me 19 pikë, pesë kërcime e nëntë asistime.

Lejson Zeqiri ishte më meritori për fitoren e Bashkimit ndaj Rahoveci 029. Zeqiri ka shënuar pesë pikë në fund të ndeshjes, derisa e mbylli ndeshjen me 17 pikë, dhjetë kërcime e një asistim.