Ali Ahmeti do të jetë njëri nga katër folësit që pritet t’i drejtohen qytetarëve në protestën e veteranëve të luftës të UÇK-së, të ftuar për të enjten.

Kryetari i Bashkimit Demokratik për Integrim (BDI) do të jetë i ftuar special në protestë, ka njoftuar sot nënkryetari i Organizatës së Veteranëve të Luftës së UÇK-së, Gazmend Syla.

Syla ka thënë se në protestë do të ketë edhe tre folës të tjerë, përfshirë kryetarin e organizatës, Hysni Gucatin.

Protesta e thirrur nga veteranët e luftës për kundërshtimin e padrejtësive të Gjykatës Speciale në Hagë, pritet të fillojë në orën 17:00. Ajo do të mbahet në sheshin ‘Skenderbeu’ në Prishtinë.