Kandidati i AAK-së për kryetar të Komunës së Pejës, Ali Berisha, së bashku me nënkryetarin e Degës, Ardian Berisha, kanë vizituar familjen Gashi në fshatin Kryshec.

Gjatë kësaj vizite, Berisha ka vlerësuar kontributin e Ilir Gashit në luftën për liri, duke e përshkruar si një luftëtar të dalluar, të plagosur në beteja të ndryshme dhe të angazhuar edhe pas luftës për ruajtjen e vlerave të saj.

Në këtë takim, Ali Berisha ka njoftuar se ka nominuar Ilir Gashin si kandidat për Asamblenë Komunale të Pejës.

“Ilir Gashi ishte luftëtar i dalluar në luftën tonë për liri. I plagosur në luftime në beteja të ndryshme. I angazhuar pas lufte në mbrojtje të vlerave të luftës sonë të drejt. Kisha nderin sonte ta nominoj kandidat për Asamblen Komunale. Urime Ilir Gashi. Suksese”, ka shkruar Berisha në Facebook.