“Më vjen keq që përfundoi kështu, por ne kemi qenë të qartë me Leon që nga shkurti i kaluar, kur klubi dhe unë folëm me të disa herë duke i thënë se viti i ardhshëm do të ishte një vit në të cilin ai do të duhej të vendoste të vazhdonte diku tjetër”. Max Allegri thyen heshtjen dhe shpjegon për herë të parë këndvështrimin e tij për çështjen Bonucci.

I intervistuar ekskluzivisht nga Dazn, trajneri i Juventusit u përpoq të sqaronte zgjedhjen për të përjashtuar ish-kapitenin e tij nga projekti i këtij viti.

“35-36 vjeç dhe ka bërë histori te Juventus, Leo luajti 500 ndeshje dhe madje doli në fushë i çalë. Ai i dha shumë Juventusit dhe Juventus i dha shumë atij. Ai duhet të marrë një vendim të rëndësishëm dhe të mos shikojë një vit, por se cila është e ardhmja sepse është i ri. Atë që them tani e kam thënë kohë më parë. Është normale, kur një kampion si ai arrin në fund të karrierës së tij, ekziston frika për t’u larguar. Unë nuk isha kampion, kisha një karrierë normale dhe ishte e lehtë për mua të largohesha. Dinamika është e njëjtë, ndryshimi është se njeriu duhet të ketë aftësinë për të pranuar fillimisht”, ka deklaruar Allegri.

“Nëse e pranon fillimisht është mirë për veten e tij, nëse pranon më vonë, mërzitet. Për mua ai ishte një lojtar i jashtëzakonshëm, i rëndësishëm. Do të mbetet në historinë e Juventusit, 500 ndeshje te Juve janë bërë nga pak”, ka deklaruar Allegri.