Ambasada amerikane në Serbi ka reaguar pas qëndrimit të presidentit Aleksandër Vuçiq për Ukrainën, ku në një konferencë të sotme, presidenti serb tha se e respektojnë integritetin territorial të Ukrainës.

Serbia mbajti një qëndrim qëndrim të dyfishtë, ku tha se e respektojnë integritetin e Ukrainës, ndërsa s’i vëmë sanskione Rusisë.

Përmes një postimi në “Twitter”, ambasada amerikane në Serbi ka thënë se SHBA-të e mirëpresin qëndrimin e Serbisë për mbështetjen e integritetit territorial të Ukrainës.

“Shtetet e Bashkuara mirëpresin qëndrimin e përsëritur të Serbisë, presidentit Aleksandër Vuçiq për mbështetjen e integritetit territorial të Ukrainës, e cila është shkelur nga sulmet e paligjshme dhe të paprovokuara nga Rusia”.