Ambasadori i Britanisë së Madhe në Kosovë, Jonathan Hargreaves, ka takuar përfaqësues të shoqërisë civile.

Në një shkrim në “Facebook”, ai ka thënë se adhuron angazhimin e shoqërisë civile në Kosovë për t’i nxitur politikanët që të marrin përgjegjësi në zgjidhjen e bllokadës.

“Isha i kënaqur të mikprisja një grup OJQ-sh në rezidencën britanike për të diskutuar mbi demokracinë në Kosovë. Isha mirënjohës që mësova nga përvoja dhe ekspertiza e tyre. Adhuroj angazhimin e shoqërisë civile me politikanët e Kosovës për t’i nxitur ata të marrin përgjegjësi për të zgjidhur këtë bllokadë, në mënyrë që të formohet një Kuvend dhe qeveri e re dhe të vazhdojnë me punë thelbësore në interes të popullit të Kosovës”, ka shkruar Hargreaves.