Në javën festive të 113-vjetorit të pavarësisë së Shqipërisë dhe Ditës së Flamurit, pos në Këshillin e Qytetit të Nju Jorkut, evente kremtimi u mbajtën edhe në më shumë shoqata shqiptare të tri-shtetëshit, si në: “Vatra”, Klubi Shqiptaro-Amerikan Westchester “ACC”, “Struga”, Qendra Kulturore Shqiptare në St. Island, shoqata “Hasan Prishtina” në Waterbury, etj.

Konsullata e Përgjithshme e Republikës së Kosovës në Nju-Jork mori pjesë në disa nga këto evente festive, ku ambasadori Blerim Reka me diplomatët Besim Berisha dhe Anell Bajra, bashkë me ambasadoren e Shqipërisë në OKB, Suela Janina, dhe ambasadorin e Shqipërisë në Uashington, Ervin Bushati, përcollën urimet për këtë datë historike.

Në eventin festiv te shoqata shqiptare “Struga”, në Nju Xhersi, me një fjalim rasti festiv të pranishmëve iu drejtua ministri i Bujqësisë, Pylltarisë dhe Zhvillimit Rural të Republikës së Kosovës, Faton Peci.