Shefi i Misionit në Konsullatën e Përgjithshme të Republikës së Kosovës në Nju-Jork, ambasadori Blerim Reka, ka vizituar shoqatën “Vatra”.

“Dje, në Bostonin e Vatrës; të Fan Nolit e të Faik Konicës, të Sotir Pecit e Anthony Atanasit, të gazetës “Kombi” dhe “Dielli”. Në selinë themeltare të Shoqatës panshqiptare, parardhëse e shtetit shqiptar. Sa histori kombëtare në një vend jashtë Shqipërisë. Ndonëse nuk jetojnë më, janë ende kaq të fuqishëm. Faleminderit për mikpritjen Mentor Maksutaj, kryetarit të Vatrës, Boston”, ka shkruar Reka në “Facebook”.