Trajneri portugez, Ruben Amorim mund të kthehet së shpejti në menaxhim vetëm disa ditë pas shkarkimit nga stoli i Manchester United.

Amorim, 40 vjeç, u shkarkua nga United të hënën (5 janar) dhe e la klubin në pozitën e gjashtë, pasi i kishte udhëhequr Djajtë e Kuq drejt një rekordi të tmerrshëm në vendin 15-të në Ligën Premier sezonin e kaluar.

Portugezi u largua nga Old Trafford pas një përplasjeje të raportuar me hierarkinë e klubit. Mosmarrëveshja lidhej me transferimet dhe formacionin e preferuar të Amorimit 3-4-2-1.

40-vjeçari thuhet se e pa kontratën e tij të shlyer plotësisht pas largimit të tij, që do të thotë se ai mori rreth 9.25 milionë funte si rezultat i kontratës së tij me United deri në qershor të vitit 2027.

Dhe pavarësisht se ka marrë një shumë të majme, portugezi tani është i lidhur me një rikthim pothuajse të menjëhershëm në stolin e një klubi të madh evropian, por kjo varet nga e ardhmja e një trajneri tjetër të njohur.

Sipas mediumit talkSPORT, trajneri aktual i Benficas, Jose Mourinho, është nën presion në “Estadio da Luz”, me Amorimin një pretendentë të fortë për ta zëvendësuar atë.

Mourinho nënshkroi një kontratë dyvjeçare me klubin në muajin shtator dhe që atëherë e ka udhëhequr ekipin drejt 14 fitoreve nga 22 ndeshje.

Megjithatë, thuhet se ish-trajneri i Chelseat dhe Interit ka një klauzolë në kontratën e tij që do t’i lejonte atij të largohej në verë.

Një raport i mëparshëm nga The Guardian zbuloi se “klauzola do t’i lejonte klubit ose Mourinhos të përfundonin marrëveshjen e tij brenda 10 ditëve pas ndeshjes së tyre të fundit të këtij sezoni”.

Benfica aktualisht renditet e treta në Superligën e Portugalisë, por është dhjetë pikë pas liderëve të ligës, Porto, pas 17 ndeshjeve.

Sigurisht, Amorim tashmë ka një lidhje me klubin pavarësisht se kohët e fundit ka drejtuar rivalët e tij Sporting Lisbonës, pasi ai luajti për Benficën për nëntë vjet midis viteve 2008 dhe 2017, duke bërë 154 paraqitje për skuadrën.