Angela Merkel shfaqet në podcast dhe flet për vaksinën
Angela Merkel është shfaqur në një podcast ku flet rreth planeve ndërkombëtare për hapat e përbashkët në luftën ndaj koronavirusit dhe krijimit të vaksinës.
Fjalimi i Merkel
Koronavirusi përhapet në mënyrë të barabartë kudo. Pra, kjo epidemi është një pandemi, një përhapje në të gjithë botën e një sëmundje që nuk mund ta luftojmë në shkallë kombëtare, por vetëm së bashku. Vendet e G20, të cilat përfaqësojnë 80% të fuqisë ekonomike në botë vendosën në një video konferencë në fund të marsit që të luftonin së bashku këtë pandemi. Dhe Ursula von Der Leyen, Presidentja e Komisionit të Bashkimit Evropian, na ka ftuar nëpërmjet një video konference në një takim donatorësh më 4 maj, ku Gjermania do të jetë gjithashtu pjesëmarrëse. Do të flasim se si do të zhvillojmë vaksina për të gjithë njerëzit në mbarë botën, se si dhe sa ilaçet dhe opsionet e mira diagnostikuese janë në dispozicion. Do të marrim pjesë në mënyrë intensive dhe aktive në këtë video konference .
Lufta kundër pandemisë është një mundësi për më shumë bashkëpunim ndërkombëtar ?
Të gjithë mund të infektohemi, kjo është arsyeja pse e kemi për detyrë të veprojmë së bashku, në të gjithë botën.
Pra, nuk është vetëm një mundësi për ndërveprim, por është një domosdoshmëri.
Gjermania e pranon këtë përgjegjësi dhe kjo është arsyeja pse ne do sigurohemi që nga kjo vaksinë të përfitojnë të gjithë njerëzit pasi të jetë krijuar, dhe po ashtu në jenë në dispozicion edhe ilaçet që janë të nevojshme dhe pajisjet diagnostikuese gjithashtu. Prandaj, unë e vleresoj shumë faktin që jo vetëm qeveritë, por edhe fondacionet private si Media dhe Bill Gates Foundation dhe aktorë privatë siç janë prodhuesit e vaksinave dhe prodhuesit mjekësorë janë bërë bashkë për të punuar. Deri sot, rreth 8 miliardë euro cilësohen të humbura për zhvillimin e një vaksine. Në të njëjtën kohë, parakushtet duhet të krijohen në mënyrë që sasi të barabarta të një vaksine të tillë të mund të prodhohen pasi të jetë në dispozicion. Prandaj është mirë që një aleancë e madhe është e angazhuar për këtë punë, dhe që sa më shumë aktorë ta bëjnë këtë prodhim vaksine, këtë prodhim të ilaçeve dhe këto opsione diagnostikuese të mundshme me kontribute financiare. Kjo përfshin aleancat e vaksinimit si CEPI, GAVI, dhe natyrisht një grup i madh vendesh. Dhe unë jam e gëzuar që Arabia Saudite, që mban presidencën e G20, është gjithashtu e përfshirë në mënyrë aktive.
Si do të marrë pjesë Gjermania?
Gjermania do të japë një kontribut të rëndësishëm financiar. Nuk dua ta them këtë sot, por mund të them që në çdo moment do të monitorojmë në mënyrë aktive zhvillimin e mëtejshëm. Duhet shumë koordinim. Do të duhen shumë kontakte bilaterale me vendet e tjera. Ne dëshirojmë të punojmë ngushtë me Organizatën Botërore të Shëndetit, e cila ka një rol kryesor në këtë çështje. Gjermania është në pararojë të të gjitha këtyre veprimtarive, sepse ne si vend jemi të përkushtuar për faktin se vetëm veprimi i përbashkët, veprimi multilateral ndërkombëtar mund ta kapërcejë këtë pandemi. Ne e dimë që kjo situatë dëmton jetën tonë ekonomike, sociale dhe shoqërore, kudo. Kjo është arsyeja pse ne duhet të punojmë me përqendrim të madh për ta përmirësuar gjendjen dhe pastaj të mposhtim këtë virus duke zhvilluar një vaksinë. Dhe kjo është një nga detyrat më fisnike për të shpëtuar miliona jetë njerëzore në këtë botë.
