Apel nga Amerika drejtuar Ministrisë së Punëve të Jashtme dhe Diasporës

17 maj 20:40

Janë me dhjetëra shtetas të Kosovës që kanë mbetur në SHBA dhe që duan të kthehen. Ata i kanë bërë por vazhdojnë t’ i bëjnë kërkesa Ambasadës dhe Konsullatës së Kosovës, por deri më tani, shumë prej tyre, përveç disa sqarimeve dhe falënderimit për interesimin, nuk kanë marrë ndonjë përgjigje të duhur. Në kthimin e disa ditëve më parë, dyshohet se kishte selektime

Besim Muhadri, Nju Jork

Ditë më parë, përmes Ambasadës së Kosovës në SHBA, e cila në koordinim më Ministrinë e Punëve të Jashtme dhe të Diasporës të Republikës së Kosovës, u organizua një fluturim për kthimin në Kosovë të kosovarëve që kanë mbetur në SHBA. Në këtë fluturim të organizuar, u kthyen 143 kosovarë. Shumë prej nesh që kemi bërë kërkesa, jemi njoftuar përmes mediave.

Ishte një lajm i mirë se institucionet e Kosovës po interesohen për qytetarët e vet të cilët, për shkak të situatës së krijuar pandemike, kanë ngelur të bllokuar këtu në SHBA. Mirëpo numri i të kthyerve është shumë më i vogël karshi kërkesave të qytetarëve të cilët duan të kthehen në atdhe.

Para se të ndodhte ky kthim i organizuar, unë, por siç jam i njoftuar, Konsullatës dhe Ambasadës së Kosovës i janë drejtuar edhe shumë bashkëkombës të mi, këtë e dëshmon edhe e-maili që më ka dërguar Konsullata, por që për fat të keq, nuk janë njoftuar më pas për fluturimin e organizuar. Pas marrjes së lajmit se në Kosovës u kthyen 143 kosovarë, i shkrova për së treti Konsullatës së Kosovës në Nju Jork, mirëpo përgjigja ishte se janë kthyer vetëm personat si raste emergjente, gjë që nuk është tërësisht e vërtetë.

Por kjo tash ka pak rëndësi. E rëndësishme është që Ministria e Punëve të Jashtme dhe e Diasporës të mos e ndalojë interesimin dhe shqetësimin për qytetarët e saj të shumtë të cilët kanë mbetur këtu në SHBA e që duan të kthehen në rastin e parë që të paraqitet.

Është e udhës, që së paku deri në fund të muajt maj të bëhet edhe ndonjë organizim tjetër kthimi, ashtu sikurse që po veprohet edhe me qytetarët e tjerë në shtetet e Evropës.

Janë më dhjetëra kosovarë që kërkojnë një gjë të tillë, të të gjitha moshave dhe të të gjitha rasteve, por që duhet të njoftohen me kohë për mënyrën e kthimit, për kushtet e kthimit.

Besoj se Ambasada jonë tashmë i ka kërkesat dhe të dhënat e duhura për qytetarët e saj që janë këtu e që duan të kthehen.

Lajme të sponsorizuara

Të fundit
Shefi i Mercedes në Formula 1, Toto Wolff, është shprehur…