Së fundmi kompania “Apple” është paditur për faktin që ka qenë në dijeni të problemit përpara se të lançoheshin “iPhone 6” dhe “6 Plus”.

“iPhone 6” është e përbërë 24% nga alumini, i cili është elementi më i bollshëm i pajisjes, sipas metalurgjstëve. Alumini ishte përgjegjës edhe për katastrofën e quajtur “Bendgate”. Me këto dy telefona “Apple” rriti konsiderueshëm madhësinë, krahasuar me “iPhone 5S”. Problemi që solli ishin dhjetëra mijëra telefona të “Apple” që përkuleshin në xhepat e blerësve.

Sipas padisë, “Apple” e dinte nëpërmjet testimeve të përgjithshme që “iPhone 6” kishte përkulshmëri 3.3 herë më shumë se “iPhone 5”. Përkulja që pësonin telefonat shkaktonte edhe “sëmundjen e prekjes”, në të cilat ekranet nuk përgjigjeshin nga prekja dhe nxirrnin vija gri.

Për këtë arsye “Apple” e rregulloi problemin me telefonin e radhës, “iPhone 6S”, duke e zëvendësuar aluminin e dobët me një më të fortë, por nuk bëri asgjë për telefonat e mëparshëm problematikë që ishin në treg./lexo.al/