Edhe pse kishte ofertë më të lirë për 30 mijë euro, tenderi për furnizim me karburante në rajonin e Prizrenit (LOT 6), i shpallur nga Agjencia Qendrore e Prokurimit me vlerë 723,174.02 €, iu dha kompanisë HIB Petrol.

Nga dokumentet e siguruar shihet se Delta Group SH.P.K. kishte ofertën më të ulët me 693,315.32 €. Po ashtu edhe Albapetrol Group kishte ofertë më të lirë se fituesi, me 708,304.71 €. Megjithatë, Agjencia Qendrore e Prokurimit shpalli fituese HIB Petrol, duke ia dhënë kontratën më të shtrenjtë për mbi 30 mijë euro më shumë se sa oferta më e lirë.