Është aprovuar marrëveshja në fushën e shërbimeve të transportit ajror në mes të Kosovës dhe Arabisë Saudite.

Kështu ka bërë të ditur Ambasada e Republikës së Kosovës në Riad përmes një njoftimi për medie.

“Kryeministri i Mbretërisë së Arabisë Saudite, Princi i Kurorës, Mohammed bin Salman Al Saud, dje në mbledhjen e qeverisë e aprovoi Marrëveshjen mes Kosovës dhe Arabisë Saudite në fushën e shërbimeve të transportit ajror. Marrëveshja është nënshkruar në tetor 2024 në Prishtinë”, është thënë në njoftimin e Ambasadës së Kosovës.