Tashmë kanë arritur në Kosovë arkivolet e viktimave të masakrës së Rezallës.

Eshtrat e tyre ishin zhvarrosur nga varrezat masive në Kizhevak të Serbisë.

Për t’i pritur arkivolet e tyre kanë dalë kryesuesi i Komisionit qeveritar për të pagjeturit, Andin Hoti, Sami Lushtaku dhe kryetari aktual i Skenderajt, Bekim Jashari.

Për homazhe para arkivoleve është paraparë të marrë pjesë edhe kryeministri Albin Kurti.