Pas fitores 2-1 ndaj Real Madridit dhe arritjes në gjysmëfinale të Ligës së Kampionëve, trajneri i Arsenalit, Mikel Arteta, ka thënë se janë të lumtur me suksesin e arritur. Strategu spanjoll e ka pranuar se nuk ishte lehtë të luanin në Madrid.

“Jemi shumë të lumtur, kjo është gjysmëfinalja e tretë në historinë e klubit tonë. Për mënyrën si erdhi, është një arritje shumë e rëndësishme. Nuk ishte e lehtë të luanim në Madrid, por ia dolëm edhe në aspektin mendor dhe emocional. Pas 16 vitesh, kualifikimi në gjysmëfinale të Ligës së Kampionëve është një sukses i madh”, ka thënë Arteta, i cili foli edhe për kundërshtarin e radhës, PSG-në. “PSG-ja është në formën më të mirë në Evropë për momentin, por ne jemi shumë të lumtur që do të luajmë kundër tyre”, ka deklaruar Arteta.