Gazetari i Radiotelevizionit të Kosovës (RTK) dhe autori i emisionit “Bujku”, Ilir Binakaj, ka publikuar një fotografi nga Klinika e Mushkërive në QKUK,  ku është duke u trajtuar për t’u shëruar nga Covid-19.

Binakaj ka bërë me dije se në dhomën ku është duke qëndruar,  brenda 12 orëve kanë vdekur dy persona me Covid.

Ai ka thënë se Covidi nuk duhet të injorohet, derisa ka bërë thirrje që kjo situatë të tejkalohet me syçeltësi.

“Të nderuar miq, në dhomën ku jam i shtrirë me 4 shtretër, në Kliniken e Mushkërive në qark jo më gjatë se 12 orë ndërruan jetë dy pacientë. Kjo që u tha tregon situatën e rëndë në të cilën po kalojmë. Ju lutëm mos e injoroni virusin. Me kujdes e syçeltësi e pa panik e kalojmë….” , ka shkruar ai në llogarinë e vet në “Facebook”.