Deputeti Avdullah Hoti ka njoftuar për mosprezencën e tij gjatë takimit që lideri i LDK-së, Lumir Abdixhiku, pati sot me deputetët e rinj të kësaj partie.

Hoti ka thënë se për shkak të angazhimeve akademike nuk ka mundur të jetë i pranishëm në këtë takim.

“Siç kam njoftuar edhe në organet e partisë, për shkak të angazhimeve akademike nuk kam qenë i pranishëm në mbledhjen e sotme të Grupit Parlamentar. Na priftë e mbara!”, ka shkruar Hoti në “Facebook”.