Ish-ambasadori Avni Arifi ka kujtuar se pikërisht më 5 dhjetor, ditën kur kryetarët serbë të 10 komunave që i kanë bojkotuar zgjedhjet do të marrin detyrën, bëhen saktësisht pesë vjet nga vendimi i tyre për t’u tërhequr nga institucionet e Kosovës. Atëherë, me vendim të Vučićit, ata u larguan; ndërsa tani, po ashtu me vendim të Vučićit, po rikthehen.

Njoftimi i plotë i Arifit:

Simbolika është e ftohtë dhe e dhimbshme.

– 5 dhjetor 2022, me vendim të Vučićit, u përmbyll largimi i serbëve nga institucionet e Kosovës: rreth 700 policë, kryetarët e 4 komunave në veri, 72 asambleistë, 147 punonjës administrativë, gjyqtarë e prokurorë.

– 5 dhjetor 2025, po me vendim politik nga Beogradi, bëhet rikthimi. Transferim pushteti drejt Listës Serbe në 10 komuna të Kosovës.

Siç u larguan, ashtu edhe u kthyen: me urdhër të njëjtë, nga e njëjta adresë.

Tre vite narrativë për “shtrirje sovraniteti”, ndërkohë që realiteti ishte:

– mashtrim politik,

– tallava-patriotizëm,

– izolim diplomatik,

– sanksione të rënda,

– humbje qindra milionëshe për Kosovën.

Në fund, gjithçka u rikthye tek pika zero. Vetëm se koston e kësaj aventure e pagoi Kosova.

S’ka mo banda?? Bohën, bohën.