Deputetja e LDK-së, Hykmete Bajrami, ka reaguar për paraqitjen e sotme të kryeministrit në detyrë, Albin Kurti, në gjykatë, në rastin e kanosjes ndaj tij, ku i dyshuar për rastin është Faton Klinaku.

Bajrami ka shkruar në “Facebook” se për Kurtin ligji është i drejtë vetëm kur i shërben interesave të tij personale.

“Sot, deputeti Kurti u shfaq në gjykatë si viktimë, në një rast të kanosjes. Veç paramendoni makinerinë e Kurtit dhe LV-së dhe sa kërcënime e kanosje u kanë bërë të tjerëve! Deputeti Kurti po tregon qartë se ligji është i drejtë vetëm kur i shërben interesave të tij personale”, ka shkruar Bajrami.

Bajrami ka rikujtuar refuzimin që Kurti i ka bërë Prokurorisë Speciale pas ftesës për të dëshmuar në rastin e rezervave shtetërore.

“I njëjti person refuzon, përçmon dhe injoron thirrjet e prokurorisë për të dhënë dëshmi si dëshmitar në Prokurorinë Speciale për dallaveret me rezervat shtetërore”, ka shkruar Bajrami.