Balaj: Duhet të marrim pikë ndaj Francës

02 shtator 15:50

Shqipëria ka nisur të grumbullohet në “Tropikal”, ndërsa futbollistët janë duke u stërvitur për dy ndeshjet e radhës që do të luhen ndaj Francës dhe Islandës.

I pranishëm në konferencën për shtyp ka qenë edhe sulmuesi Bekim Balaj, që u shpreh se Shqipëria është e detyruar të marrë pikë në transfertën e Francës.

“Përqendrimi është maksimal. E dimë forcën e kundërshtarëve dhe shpresojmë që t’i përballojmë takimet në mënyrën më të mirë të mundshme. Ndaj Francës pretendojmë të marrim pikë. Nëse i kthehemi të shkuarës, kemi eksperiencë pozitive ndaj tyre. E dimë që nuk është e lehtë, por jemi të detyruar që të dalim me pikë. Trajneri Reja më ka përgëzuar për golat e shënuar dje dhe aktivizimin që kam pasur në këto ndeshje”, ka thënë Balaj.

 

 

Fjalët Kyçe:

Lajme të sponsorizuara

Të fundit
Të paktën 34 persona kanë humbur jetën pasi një varkë…