Skuadra kampione në fuqi e Kosovës, Ballkani ka shënuar fitore me rezultat bindës në ndeshjen e rrethit të dytë të Ligës së Konferencës.

Portokallezinjtë e mposhtën si mysafirë kampionin e San Marinos, La Fioritan, me shifrat 4:0, duke e kryer pothuajse çështjen e kualifikimit tutje qysh në ndeshjen e parë.

Ballkani kaloi në epërsi në minutën e 6-të me golin e Meriton Korenicës.

Epërsinë e dyfishoi Albion Rrahmani në minutën e 23-të, teksa i njëjti lojtar realizoi edhe golin e tretë në minutën e 50-të.

Ndërkaq, rezultatin përfundimtar e vendosi Albin Berisha në minutën e 73-të.

Ndeshja e kthimit luhet pas një jave në “Fadil Vokrri”.

Në rast kualifikimi në rethin tjetër Ballkani do të luajë me fituesin e ndeshjes Sutjeska – Klaksvik.