Banka Botërore në përgatitje të një projekti të ri në Kosovë që përmirëson furnizimin me ujë

29 korrik 2019 | 11:57

Banka Botërore njofton se është në përgatitje të një projekti të ri në Kosovë, që do të përmirësojë furnizimin me ujë në zonën e lumit Morava e Binçës, në Kosovën lindore, që është zona më e thatë në Kosovë, me më së paku të reshura vjetore.

Sipas njoftimit nga Banka Botërore, ky projekt synon që popullsia e kësaj zone të ketë furnizim më të mirë me ujë, përfshirë këtu edhe shërbime të reja apo të përmirësuara për ujitje.

“Ngritja e një vend-akumulimi të ri të ujit do të jetë investimi më i madh kryesor në kuadër të projektit të propozuar. Projekti i emëruar Ngritja dhe Shfrytëzimi i Mundësive për Siguri të Ujit (FLOWS), po ashtu synon të përmirësojë planifikimin dhe koordinimin e menaxhimit të burimeve të ujit në këtë zonë”, thuhet në njoftimin e BB-së.

 

/Epoka e Re/

Lajme të sponsorizuara

Të fundit
Skuadra e Ballkanit vazhdon të përforcohet për edicionin e ri…