Skuadra e Barcelonës ka konfirmuar se Sergio Aguero do ta sqarojë të ardhmen e vet në futboll sot (e mërkurë) në një konferencë për media në “Camp Nou”, pas telasheve me zemër.

Mediat spanjolle pretendojnë se Aguero do ta njoftojë pensionimin nga futbolli gjatë asaj konference, pasi nuk është më në gjendje të luajë futboll profesional.

“Këtë të mërkure (në orën 12:00), Sergio Aguero do të paraqitet (në një konferencë për media) në ‘Camp Nou’ për ta sqaruar të ardhmen e vet. Në konferencë do të marrë pjesë edhe presidenti i Barcelonës, Joan Laporta”, thuhet në njoftimin e Barcelonës.

Sulmuesi argjentinas përjetoi vështirësi në frymëmarrje dhe shtrëngim në gjoks në një ndeshje të Barçës kundër Alavesit më 30 tetor.

Aquest dimecres (12 hores), tindrà lloc a les instal·lacions del Camp Nou la compareixença de @aguerosergiokun per explicar el seu futur. L’acte que comptarà també amb la participació de Joan Laporta, president del FC Barcelona i del jugador del primer equip de futbol. pic.twitter.com/RoS92i16Iy

— FC Barcelona (@FCBarcelona_cat) December 14, 2021