Barcelona është në kërkim të një golashënuesi efektiv dhe dy emrat që kryesojnë listën e klubit katalanas janë Robert Lewandowski dhe Erling Haaland. Mes të dyve më i arritshëm për klubin spanjoll duket sulmuesi i Bayern Munichit.

Sipas raportimeve të “Sport”, pista “Lewandowski” është më e avancuar, ndërsa prioritet deri më tani kishte qenë norvegjezi i Borussia Dortmundit dhe janë klubet e tjera në garë për 21-vjeçari, si Real Madridi dhe Manchester City, që e kanë bërë Barcelonën të fokusohet te polaku. Barça pritet ta marrë vendimin këtë prill, por tashmë është e qartë që fokusi kryesor është Lewandowski.