Bashkëthemeluesi i ‘WhatsApp;-it ka një mesazh: Fshijeni ‘Facebook’-un

25 mars 2018 | 16:41

Bashkëthemeluesi i platformës për komunikim online, “WhatsApp”, Brian Acton, ka një mesazh për të gjithë përdoruesit e “Facebook”-ut.

Ai ka kërkuar nga ata të heqin dorë nga komunikimi në “Facebook” dhe ta shlyejnë fare atë.

Në një cicërim në llogarinë e vet në “Twitter”, Acton i është bashkuara zërave të shumtë që po kërkojnë shlyerjen e “Facebook”-ut.

Këshilla e tij për të ndaluar së përdoruri shërbimet e kësaj platforme është tejet e rëndësishme kur dihet se tashmë “Facebook” është pronar edhe i “WhatsApp”-it.

Lëvizja “Delete Facebook” është duke u rritur pasi doli në shesh skandali i të dhënave të 50 milionë njerëzve të cilat u përdorën nga firma “Cambridge Analytica” pa dijeninë e tyre.

“Facebook” është nën thumbin e kritikave të publikut dhe politikanëve në ShBA e Britani të Madhe rreth politikave të tyre të sigurisë së të dhënave të klientëve.

“Facebook” ka humbur edhe vlerë në treg , vetëm javën e fundit rreth 50 miliardë dollarë.

Fjalët Kyçe:

Lajme të sponsorizuara

Të fundit
Nga njëra ana gëzimi për rikthimin në fushën e blertë,…