Tottenham Hotspur ka një lojtar të ri. Klubi londinez ka njoftuar transferimin e Joao Palhinha nga Bayern Munchen në formë huazimi. Kjo është deklarata zyrtare e lëshuar nga klubi anglez: “Jemi të kënaqur të njoftojmë nënshkrimin e Joao Palhinha në formë huazimi nga FC Bayern, me kusht që të marrë miratimin ndërkombëtar dhe lejen e punës.

30-vjeçari portugez i bashkohet klubit në formë huazimi deri në fund të sezonit 2025/26, me një opsion për ta bërë transferimin të përhershëm verën e ardhshme”. Mesfushori mbrojtës e filloi karrierën e tij profesionale te Sporting CP, duke debutuar në ekipin B të klubit në moshën 18 vjeç, përpara se të debutonte me ekipin e parë në janar 2017.

Gjatë viteve të tij të para, ai gjithashtu fitoi përvojë si huazim te Moreirense, Belenenses dhe Braga. Në klubin e fundit, Joao Palhinha luajti një rol kyç në suksesin e klubit në titullin e Taça da Liga 2019/20.