Bayerni merr vendimin për të ardhmen e Perisiqit

29 maj 11:11

Ivan Perisiq do të jetë lojtar i Bayernit të Mynihut edhe sezonin e ardhshëm. I transferuar në Bavari me kërkesë të ish-trajnerit të kampionëve të Gjermanisë, Niko Kovaq, futbollisti që është në pronësi të Interit për çështje javësh do të zgjidhë të ardhmen.

“Perisiq pati një dëmtim shumë të rëndë, kur ishte në formë të shkëlqyer te Bayerni, problem që e mbajti jashtë për tre muaj. Por tani ai është rikthyer me grupin. Luajti 70 minuta, pastaj 30, është e qartë që për t’u rikthyer në formën më të mirë do të duhet pak kohë, por më e rëndësishme është që ai i ka kapërcyer të gjitha dhimbjet është plotësisht i shëndetshëm”.

Oliq, duke folur për mediet e vendit të tij, zbuloi të ardhmen e sulmuesit. Sipas Ivica Oliqit, ish-futbollistit kroat, Perisiq nuk do të kthehet tek Interi.

“Ai është i huazuar nga Bayerni, por unë e di se klubi është i kënaqur me performancën e tij. Sigurisht, pas kësaj pandemie, fuqia blerëse nuk do të jetë si më parë. 20 milionë euro janë shumë, por ata do të ulen në tryezë dhe do të gjejnë një marrëveshje në 2-3 javët e ardhshme”.

Lajme të sponsorizuara

Të fundit
Instituti Demokratik i Kosovës ka bërë thirrje të respektohet vendimi…