BE-ja “godet” Osmanin për shkarkimin e Dakës: Vendimi nuk ishte i bazuar në ligj

19 tetor 2021 | 16:35

Raporti preliminar i lëshuar nga vëzhguesit e Bashkimit Evropian për zgjedhjet e 17 tetorit ndër të tjera flet edhe për shkarkimin e ish-kryetares së Komisionit Qendror të Zgjedhjeve, Valdete Daka nga ana e presidentes së Kosovës, Vjosa Osmani.

“Vendimi i presidentes së Kosovës për të shkarkuar ish-kryesuesen e KQZ-së, Valdete Daka është marrë më 14 qershor katër vjet para skadimit të mandatit të saj të dytë dhe vetëm një ditë para shpalljes së zgjedhjeve lokale nuk mund të mbështetej në mënyrë adekuate as me arsyetimin e vendimit as nga bazat e shënuara të Ligjit për zgjedhje te përgjithshme”, është thënë në raportin e vëzhguesve të Bashkimit Evropian.

Gjithashtu, në këtë raport është theksuar se ky vendim nga shoqëria civile dhe partitë opozitare është parë kryekëput si vendim i motivuar politikisht.

Ndryshe në vend të Valdete Dakës më pas është emëruar Kreshnik Radoniqi, i cili ndër të tjerash pati deklaruar se vendimi për shkarkimin e Dakës është marrë nga institucionet përgjegjëse dhe se s’ka të bëjë fare me të duke zgjedhur që të mos flasë më tepër për të.

Lajme të sponsorizuara

Të fundit
Llapi e deklasoi sot (e martë) Ulpianën duke e mposhtur…