Zëvendëskryeministrja e parë e Ukrainës, Yulia Svyrydenko, duhej të ishte në Uashington të mërkurën për të nënshkruar marrëveshjen për mineralet e rralla.

Por një burim i tha Reuters se SHBA-të po e shtynin Ukrainën të nënshkruante edhe dy dokumente shtesë, si dhe marrëveshjen kryesore për mineralet. Dy dokumentet shtesë, cilësohen si “dokumente teknike” që përshkruajnë detajet e marrëveshjes në një datë të mëvonshme.

Administrata Trump i kërkoi Ukrainës të nënshkruante të treja dokumentet e lidhura me marrëveshjen, por Kievi ndjeu se ata nuk ishin ende gati, raporton Politico.

“Të tre dokumentet duhet të nënshkruhen sot, por ukrainasit po përpiqen të rihapin kushtet për të cilat është rënë dakord tashmë si pjesë e paketës, kjo do të varet nga ukrainasit, pasi SHBA-të janë gati ta nënshkruajnë”, tha një burim për gazetën.

SHBA-të i thanë Svyrydenkos të mos udhëtonte për në Uashington të mërkurën nëse marrëveshjet nuk finalizoheshin, sipas gazetës.