Presidenti i Republikës së Shqipërisë, Bajram Begaj, ka thirrur në Presidencë kryeministrin Edi Rama me qëllim mandatimin e qeverisë së re.

Begaj do të mandatojë Edi Ramën për kryeministër në mesditë, e më pas kabineti qeveritar duhet të kalojë në Kuvend për votim, shkruan “A2”.

Më pas, kryeministri Edi Rama do t’i drejtohet përsëri presidentit Bajram Begaj me qëllim dekretimin e 16 emrave të kabinetit qeveritar.

Më pas, të gjithë deputetët e Kuvendit të Shqipërisë do të betohen përpara presidentit të Republikës.