Deputeti i Partisë Demokratike të Kosovës (PDK), Artan Behrami, ka reaguar pas refuzimit të kërkesës nga Gjykata Speciale për lirimin e përkohshëm të Kadri Veselit, Rexhep Selimit dhe Jakup Krasniqit.

Behrami ka thënë se refuzimi i kësaj kërkesë është “indikator dhe shenjë e qartë se Gjykata Speciale kundër krejt ligjeve dhe konventave ndërkombëtare do t’i dënojë krerët e UÇK-së”.

“Tani nuk ka më dilema, nuk ka më kalkulime! Tani është koha që i madh e i vogël, me krejt fuqinë dhe mjetet demokratike, duhet të kundërshtojmë këtë proces politik me të vetmen kërkesë: Gjyq fer, të pavarur dhe sovran”, ka shkruar Behrami në “Facebook”.

Postimi i plotë:

ALARM!🚨 Krejt vëmendja në Hagë, ju lutem.

Ka plot persona që kanë përcjell procesin e gjyqit në Hagë, që kanë shpresuar se krerët e UÇK-së mund të lirohen e të mbrohen në liri, pasi prokuroria të përfundojë dëshmitarët e saj.

Edhe vet e kam pas një troh shpresë!

Refuzimi nga Paneli Gjyqësor është indikator dhe shenjë e qartë se Gjykata Speciale kundër krejt ligjeve dhe konventave ndërkombëtare do t’i dënojë krerët e UÇK-së.

Tani nuk ka më dilema, nuk ka më kalkulime!

Tani është koha që i madh e i vogël, me krejt fuqinë dhe mjetet demokratike, duhet të kundërshtojmë këtë proces politik me të vetmen kërkesë:

Gjyq fer, të pavarur dhe sovran.