Lideri i Partisë Demokratike, Sali Berisha është paraqitur këtë të hënë në SPAK, ku ka zbatuar masën e sigurisë “detyrim paraqitje” për dosjen “Partizani”.

Pasi ka lënë ambientet e Prokurorisë së Posaçme, ai ka dhënë një prononcim për gazetarët, ku ndër të tjera ka thënë se është i vetmi politikan me vetting të plotë nga armiqtë e tij.

“Jam i vetmi politikan me vetting të plotë nga armiqtë e mi, nxorën që kursimet e mia ishin një apartament dhe 100 mijë euro. Nxorën si korrupsion pushimet e paguara nga vajza ime 1 javë. Nxorën korrupsion që vajza dhe dhëndri im ka bërë për tre familje në nevojë? Prej 20 vitesh gruaja ime nuk ka marrë asnjë qindarkë nga ajo qendër”, ka thënë Berisha.