Etrit Berisha e ka marrë me sportivitet golin e çuditshëm që pësoi ndaj Kazaikstanit në “Air Albania”, që gjithsesi nuk ndikoi në rezultatin e përgjithshëm, pasi Shqipëria fitoi me rezultatin 3-1.

“Gardiani” i kuqezinjve evitoi komentet mbi reagimet ndaj këtij finalizimi, që ka bërë xhiron e botës.

“Ishte një gol që mund të evitohej. Nuk rri të shikoj çfarë kanë shkruar dhe çfarë kanë thënë të tjerët. Vendosja ime ishte më lart se ç’duhet. E di ku ishte gabimi. Kazakistani nuk mund të na rrezikonte ndryshe, ajo ishte e vetmja mundësi. Nuk mendoj se ishim në vështirësi të madhe. Nuk e patëm ndjesinë që Kazakistani mund të shënonte. Duhet të bëjmë më mirë dhe të korrigjojmë gabimet që kemi bërë më herët. Ndeshja që zhvilluam atje ishte pozitive dhe mendoj se na jep mundësi edhe për këtë ndeshje”, ka thënë Berisha.