Deputeti i Lidhjes Demokratike të Kosovës, Besian Mustafa, ka publikuar një bisedë ku merr sharje dhe ofendime në drejtim të tij dhe Vjosa Osmanit, e cila po propozohet nga LDK’ja për presidente.

Mustafa me anë të një shkrimi në ‘Facebook’ ka shpërndarë bisedën, ku një përdorues në rrjete sociale siç duket i pengon bindja ndryshe. Personi në fjalë ofendon edhe babain e ndjerë të deputetit, Xhemajl Mustafën, si dhe ish-presidenten Vjosa Osmani, shkruan Insajderi.

“Ja miq çfare janë VV-istat. Mjerë shqiptaria për këtë sëmundje”, ka shkruar Mustafa.

Shënim: Ky material përmban gjuhë eksplicite që mund të jetë e papërshtatshme për disa lexues.