Presidenti amerikan, Joe Biden, ka thënë se është i shqetësuar se presidenti rus, Vladimir Putin, nuk ka rrugëdalje nga lufta në Ukrainë.

Duke folur në një mbledhje fondesh politike në një periferi të Uashingtonit të hënën, Biden tha se Putini kishte besuar gabimisht se pushtimi i Ukrainës do ta shpërbënte NATO-n dhe Bashkimin Evropian.

Ai ka thënë se ShBA-ja dhe shumë vende evropiane janë mbledhur në anën e Ukrainës.

Bideni tha se Putini është një njeri shumë llogaritës dhe problemi për të cilin ai shqetësohet tani është se udhëheqësi rus “nuk ka rrugëdalje tani dhe unë po përpiqem të kuptoj se çfarë bëjmë ne për këtë”.