Kryeministri i Kosovës, Ramush Haradinaj, është takuar me homologun e tij nga Mali i Zi, Dushko Markoviq, me të cilin ka biseduar hapjen e një kapitulli të ri të bashkëpunimit.

“Vazhdimësi e dialogut me kryeministrin e Malit të Zi, për nismat rajonale që na afrojnë si dhe për projektet infrastrukturore që forcojnë lidhjet ndërmjet dy shteteve tona. Me homologun, Dushko Markoviq, u pajtuam që rajoni ynë ka hapur një kapitull të ri bashkëpunimi dhe se rezultatet pozitive për dy shtetet tona dhe tërë rajonin janë të sigurta”, ka shkruar Haradinaj në llogarinë e vet në “Facebook”.