Biznesmeni, anëtari i KD të PDK-së, Shahin Dervishaj, ka bërë thirrje për t’i dhënë mbështetje protestës për çlirimtarët që do të mbahet më 14 shtator në Hagë.

Ai përmes një postimi në “Facebook” ka shkruar se më 14 shtator, zemrat dhe zërat tanë bashkohen në Hagë për të mbrojtur dinjitetin e çlirimtarëve tanë.

Dervishaj ka thënë se kjo protestë është thirrje për unitet kombëtar, për të vërtetën historike dhe për të mos lejuar që të shtrembërohet lufta e drejtë e popullit tonë.

“Mbështetje për Çlirimtarët tanë – Protesta në Hagë, 14.09.2025. Më 14 shtator 2025, zemrat dhe zërat tanë bashkohen në Hagë për të mbrojtur dinjitetin e çlirimtarëve tanë. Ata që sakrifikuan gjithçka për lirinë e Kosovës, meritojnë respekt, nderim dhe drejtësi. Kjo protestë është thirrje për unitet kombëtar, për të vërtetën historike dhe për të mos lejuar që të shtrembërohet lufta e drejtë e popullit tonë. Ne qëndrojmë krah për krah me heronjtë tanë, sepse liria ka emër dhe ajo është sakrifica e tyre. Drejtësi për çlirimtarët! Me respekt, Shahin Dervishaj”, ka shkruar afaristi Dervishaj.