Konferenca e tetë e Ambasadorëve ka vazhduar edhe sot punimet e ditës së dytë me sesione të dedikuara për planifikimin strategjik të politikës së jashtme dhe forcimin e rolit të Kosovës në arenën ndërkombëtare.

Nën organizimin e Ministrisë së Punëve të Jashtme dhe Diasporës, kjo një ngjarje e rëndësishme vjetore ka mbledhur përfaqësues diplomatikë nga e gjithë bota për të reflektuar mbi punën e bërë, për të vlerësuar rezultatet dhe për të përcaktuar prioritetet e vitit të ardhshëm.

Në sesionin për organizatat ndërkombëtare, fjalë ka mbajtur edhe shef i Misionit në Konsullatën e Përgjithshme të Republikës së Kosovës në Nju-Jork, ambasadori Blerim Reka.