Bonucci: Gattuso na ndryshoi, kemi rrugë të madhe para

19 shkurt 2018 | 17:13

Pas fitores ndaj Sampdorias me rezultat 1-0, Leonardo Bonucci e falënderoi Gennaro Gattuson se ka arritur të transformojë Milanin.

Kuqezinjtë janë të pamposhtur në 10 ndeshje, duke fituar kështu shtatë dhe kualifikuar për gjysmëfinale të Kupës së Italisë, po ashtu kanë fituar ndeshjen e parë ndaj Ludogoretsit me rezultat 3-0 në Ligën e Evropës. “Që kur ka ardhur Gattuso ne kemi ndryshuar krejtësisht. Një skuadër është formuar, jemi në formë më të mirë dhe është e gjitha meritë e tij. Kemi bërë një hap të madh para dhe duhet të vazhdojmë kështu”, ka thënë Bonucci.

“Gattuso na ka dhënë mentalitet, një nivel më të mirë fitnesi dhe çdo gjë që tjetër që na ka munguar. Ne nuk ishim skuadër para se të vinte ai, kemi vuajtur edhe në aspektin psikologjik. Kemi punuar që të funksionojmë si një njësi”, ka deklaruar Bonucci. Vincenzo Montella u shkarkua në nëntor dhe Gattuso erdhi nga Primavera (skuadra e të rinjve) dhe kjo i ndihmoi shumë Bonuccit edhe në aspektin individual.

“Mora një pjesë të përgjegjësisë në supet e mia dhe gjeta prapë vetën. Gattuso më ndihmoi në atë aspekt. Në fillim e kisha gabim dhe isha i fokusuar në shumë gjëra rreth meje dhe mendoja se unë duhet të shpëtoja skuadrën. Por, kuptova se është diçka ekipore dhe duhet të punonim të bashkuar, kemi rrugë të madhe para”, ka deklaruar Bonucci.

Fjalët Kyçe:

Lajme të sponsorizuara

Të fundit
Rita Ora ka dhuruar një performancë të jashtëzakonshme mbrëmjen e…