Kandidati për deputet, Burim Ramadani, ka reaguar me tone ironike ndaj qëndrimeve të Lëvizjes Vetëvendosje dhe partive opozitare lidhur me votimet për Listën Serbe në institucionet e Kosovës.

Përmes një postimi në ‘Facebook’, Ramadani ka paraqitur një skenar satirik mbi, siç e quan ai, “harmonizimin e qëndrimeve” mes pushtetit dhe opozitës në momentet kyçe të vendimmarrjes.

Sipas tij, fillimisht të dyja palët shprehen kundër votimit të Listës Serbe në institucione si Komisioni Qendror i Zgjedhjeve apo për pozita në Kuvend, por më pas ndryshojnë qëndrim njëkohësisht.

“VV: nuk e votojmë Listën Serbe në KQZ. Opozita: ani, as na”, ka shkruar Ramadani në Facebook.

Postimi i plotë i tij:

1.
VV: nuk e votojmë Listën Serbe në KQZ
Opozita: ani, as na!

VV: e votojmë Listën Serbe në KQZ
Opozita: ani, edhe na!

2.
VV: nuk e votojmë Listën Serbe për Nënkryetar Kuvendi
Opozita: ani, as na!

VV: e votojmë Listën Serbe për nënkryetar Kuvendi
Opozita: ani, edhe na!

E fundit –

VV: amo, po dojmë si pako dyqysh që mos na ma marrë vesh populli shumë!
Opozita: ani, në pako edhe na!

P. S
Një popull nuk i nënshtrohet një individi 😂