Kandidati i Lëvizjes për kryetar të Prishtinës në zgjedhjet e 12 tetorit, Hajrulla Çeku, sot së bashku me kryetarin e Qendrës, Arben Vitia, dhe anëtarë të kryesisë, zhvilluan takim me strukturat e qendrës në Prishtinë.

“Entuziazmi është i madh, ndërsa përgjegjësia ndaj Prishtinës është edhe më e madhe. Vetëvendosje e do Prishtinën për qytetarët e do të jetueshme, të dinjitetshme. Prishtina meriton më shumë, sepse qytetarët e saj e duan me zemër dhe nuk pranojnë ta lënë në këtë gjendje degradimi. Fitorja që po vjen do të jetë e madhe sepse do të jetë e të gjithëve. Është fitorja e Prishtinë”, ka njoftuar Lëvizja Vetëvendosje në Prishtinë.