Virusi “Korona” duket se po shpërthen sërish në Kinë, aty ku ishte edhe zanafilla e tij në fund të muajit dhjetor. BBC njoftoi sot se Kina ka raportuar numrin më të lartë të viktimave brenda 24 orëve të fundit. Janë regjistruar 1 290 viktima dhe 351 raste të reja të të infektuarve me COVID-19 brenda këtyre 24 orëve.

Deri më në tani në Kinë regjistrohen 82 692 të infektuar me virusin korona dhe 4 632 viktima. Siç raporton BBC, në Wuhan, që ishte edhe vatra më e nxehtë e shpërthimit të virusit, numri i vdekjeve është rritur 45 %.

BBC ngre pikëpyetje se Kina mund të ketë fshehur numrin e vërtetë të viktimave nga COVID-19, kurse ka nisur t’i publikojë tash, pas shumë kritikave të shteteve të mëdha botërore.