Agjencitë amerikane të zbulimit dje kanë dalë me një raport ku thuhet se ShBA-ja përballet me një “rend botëror gjithnjë e më të brishtë”, të tensionuar nga konkurrenca e fuqive të mëdha, sfidat ndërkombëtare dhe konfliktet rajonale.

Në këtë raport i është kushtuar një pjesë e veçantë sulmit terrorist që ndodhi në shtator të vitit të kaluar në Banjskë.

Sipas këtij raporti, në pjesën ku përmendet Bansjka, thuhet se “përleshjet mes nacionalistëve serbë dhe autoriteteve kosovare shkaktuan vdekje dhe plagosje, përfshirë lëndimet e paqeruajtësve të NATO-s, në vitin 2023”, si edhe veprimet provokuese të udhëheqësit të serbëve të Bosnjës, Milorad Dodik.

“Udhëheqësit nacionalistë ka të ngjarë të acarojnë tensionet për avantazhin e tyre politik dhe aktorët e jashtëm do të nxisin dhe shfrytëzojnë dallimet etnike për të zgjeruar ose mbrojtur ndikimin e tyre rajonal, ose për ta penguar integrimin e mëtejshëm të Ballkanit në BE ose në institucionet euroatlantike”, thuhet në raport.