(… për  keqardhje!…)

Mr.sc. Bislim Fetahaj inxh, dipl, gjeologjisë

Trepça identifikon 56 hektarë prona të veta në Lipjan në vlerë prej 8 milionë euro. Sa për informim korrekt po ju njoftoj se kjo çka po raportohet me lartë është një gënjeshtër e paskrupullt në radhën e rrenave  që po servirin para opinionit në vazhdimësi  këta “super ekspertë” të Trepçës!. Nuk ka zbulime të reja  e as gjetje, por thjeshtë është një manipulim, edhe për këto gënjeshtra ishte dashur që dikush të përgjigjej.

Ja faktet:

1. Pronat e Njësisë Biznesore Minieratë Artanë, Kishnicë, Hajvali me Flotcion-Kishnicë shtrihen në komunat: Prishtinë, Artanë, Fushë Kosovë, Lipjan, Podujevë, Graçanicë.
2. Pronat e ,,zbuluara” i gjeni në librat e regjistrimit te pronave te Njësisë në fjalë, edhe fletat poseduese për të gjitha pronat në komunat përkatëse.
3. Ekzistojnë librat e regjistrimit të pronave të Njësisë Biznesore të Minierave Kishnicë, Hajvali, Artanë më Flotacion-Kishnicë (siç ekzistojnë për të gjitha Nësitë Biznesore të Trepça Sha.) që nga pas lufta (mund t’i gjeni në Kishnicë dhe në Trepçë!).
4. Nuk janë 56 hektarë, siç pretendohet, por janë 58.48.35 hektarë. ‘Pronat shtrihen në: Zona Kadastrale Kosnicë 54.74.76ha; Zona Kadastrale Honrovc 2.41.59ha; Zona Kadastrale Brus  1.29.00ha. Këto janë në infrastrukurë  të kompleksit të minierave të Kishnicës ( Toka në të cilat shtrihej vija e teleferikut, toka  nën  të cilat shtrihen punime minerare nëntokësore, toka të parapara edhe për  zgjerim në të ardhmen etj.) Këto janë toka  që shtrihen në terrene malore, bokërrina shumica të  gjveshura e  pa ndonjë vlerë në aspekt të kultivimit apo përdorimit për qëllime tjera. ‘’Zbuluesit’’ i kanë në qejf sensacionet edhe milionat e supozuar që i konsiderojnë si sukses të tyre. Këto prona këta i konsiderojnë si tokë afër Grandit  prandaj i vlerësojnë më vlerë milionëshe. Në fakt vlera e tyre e shkëputur nga qëllimet minerare është e ulët (është vlerësimi në regjistrime të pronave).  Harrojnë se Trepça nuk ka filluar më këta por është duke pësuar  nga këta. Aktiviteti primar i Trepçës dihet çfarë është edhe në atë aktivitet dalin milionat.
5. Në tabelën e më poshtme i shihni pasuritë (tokat) e Njësisë Biznesore Minierat Kishnicë, Hajvali, Artanë me Flotacion. Po e bëjnë një “zbulim të bujshëm” si qëllim për t`ua lehtësuar punën ‘’zbuluesve” që të merrem me “me zbulime të tjera”.

Pra gjithsejtë 520 hektar;57ari;48m² ,

Edhe për “zbulimin” e pronave në Hajvali janë të njëjtit “eksperta”. Kanë filluar zbulimet më afër Kishnicës, e tash e kanë zgjeruar zonën e zbulimeve, Po nuk po zbulojn  kurrë për gjendjen e prodhimit dhe në përgjithësi  për gjendjen katasrofole, jo për fajin e punëtorëve, por për veprimet e tyre donkishoteske. Punëtorët janë pa transport edhe pa menzë, zbulojeni… Duhet pranuar se janë eksperta në shumë lëmi e në veçanti në manipulime dhe në largim të punëtorëve nga puna pa llogaritur pasojatë në aspektin social duke rrezikuar familjet. Për çudi (janë model ) e gjeten edhe ilaqin e sindikatës, ja ndalën zerin… fatkeqësisht po gjejnë ithtarë e mbështetës kudo në ketë kohë manipulimesh!

Ja edhe një  zbulim “tjetër i imi’, drejtoria e Kishnicës në Prishtinë. Kthejeni në pronësi të Trepçës – Kishnicës pronën në qendër të Prishtinës (para hundëve të qeveritareve!!!).

Prishtinë, 14.01.2026