Chelsea do t’i ndajë rrugët me mesfushorin francez N’Golo Kante në afatin kalimtar të janarit, ka njoftuar “Daily Star”.

Kampioni i botës ishte mjaft i kërkuar gjatë afatit kalimtar veror, mirëpo “blutë vendosën ta mbanin duke llogaritur në paraqitjet e tij.

Interi, Manchester Unitedi e Paris Saint Germaini ishin të interesuar për shërbimet e mesfushorit francez, mirëpo Frank Lampard nuk e lejoi largimin e tij.

Megjithatë, trajneri dhe lojtari tash nuk kanë raporte të mira, ashtu që largimi i Kantes duket se do të ndodhë na afatin kalimtar dimëror. Lampard është i interesuar të angazhojë një mesfushor tjetër, ashtu që do të bëjë vend duke e larguar 29-vjeçarin.