Ka përfunduar pa fitues derbi i Londrës mes Chelseat dhe Arsenalit. Derbi i luajtur në “Stamford Bridge” ka përfunduar me rezultat të barabartë prej 1-1.

Pas një pjese të parë pa gola, ishte pjesa e dytë që i solli dy golat. Në pjesë të parë nuk pati gola, mirëpo pati shumë kartonë të verdhë e një të kuq.

Me të kuq u ndëshkua Moises Caicedo në minutën e 38-të të ndeshjes. Edhe pse me një lojtar më pak, Chelsea shënoi në minutën e 48-të të pjesës së dytë me anë të Trevoh Chalobah.

Mirëpo, reagimi i Arsenalit ishte pothuajse i menjëhershëm.

Pas 11 minutash nga goli i pësuar, Arsenali i Mikel Artetas barazoi për 1-1, me anë të Mikel Merinos, që u asistua nga Bukayo Saka.

Me këtë barazim, Arsenali mbetet në pozitën e parë, pesë pikë përpara vendit të dytë, Manchester Cityt dhe gjashtë pikë më shumë se Chelsea që pozicionohet i treti me 24 pikë.