Shtetasit ukrainas Yaryna Arieva dhe Sviatoslav Fursin u martuan vetëm disa orë pasi Rusia nisi pushtimin e saj në vendin e tyre.

Ata e kaluan ditën e tyre të parë si çift i martuar duke mbledhur armë dhe duke u përgatitur për ta mbrojtur Ukrainën.

Dasma duhej të ndodhte në qershor, por çifti nuk ishin më të sigurt për të ardhmen e tyre.

Arieva dhe Fursin janë nënshkruar të dy në Forcat e Mbrojtjes Territoriale, një degë e forcave të armatosura të Ukrainës që përbëhet kryesisht nga vullnetarë. Pasi u armatosën, çifti u drejtuan për në zyrën e partisë së tyre politike, Solidariteti Evropian.

“Për momentin, ne jemi këtu dhe po bëjmë gjithçka që mundemi. Kështu që ka shumë punë për të bërë, por megjithatë, shpresoj se gjithçka do të jetë në rregull”, tha Arieva, duke shtuar se disa civilëve që nuk janë pjesë e forcës mbrojtëse iu dhanë edhe pushkë.