Sekretarja e Partisë Demokratike të Kosovës, Vlora Çitaku para seancës konstituive tha se ka pasur një qasje të papërgjegjshme nga grupi i parë parlamentar.

Ajo tha se ata nuk duan bashkëpunim, por sipas saj, kërkojnë nënshtrim nga deputetët.

“Fatkeqësisht kemi pasur një qasje tërësisht të papërgjegjshme nga grupi i parë parlamentar. Është tashmë shumë evidente që ata nuk duan bashkëpunim, nuk duan bashkërendim, nuk duan kompromis, kërkojnë nënshtrim nga deputetët e Parlamentit të Kosovës”, u shpreh tutje ajo.