FC Drita do të zbresë  nesër (e enjte) në fushë për ndeshjen e kthimit të “play- off”-it të UEFA Europa Conference League ndaj NK Celje, në një duel vendimtar që zhvillohet në Slloveni.

Takimi i parë, i luajtur në stadiumin “Fadil Vokrri” në Prishtinë, ka përfunduar me rezultat 2:3 në favor të skuadrës sllovene, duke e lënë gjithçka të hapur për sfidën e kthimit.

Drita synon përmbysjen historike për të siguruar fazën e 1/8, ndërsa Celje do të mundohet të ruajë epërsinë minimale të krijuar në kryeqytetin e Kosovës.